Қош келдің,мерейлі әз Наурыз!

17 наурыз күні сағат 15 те кітапхана ұжымымен және Ә.Ермеков атындағы 5,7 сынып оқушыларымен «Жыл басы –Наурыз,мол болсын дәм-тұз» атты мерекелік іс-шара өтті.Барлық қатысқандар 41 адам.Оқу залы тақырыпқа сай безендіріліп, «Наурыз айы нәр алған ақ ырыстан,наурыз айы жаралған сағыныштан», «Қош келдің,мерейлі әз Наурыз!», «Елімізде орнасыншы тыныштық,тал бесіктен тарқамасын ырыс-құт!» атты нақыл сөздер ілініп.«Қош келдің Наурыз!»атты кітап көрмесі және қазақтың киіз үйі,жаюлы дастархан әзірленді.

Мақсаты:оқырман-оқушыларға Ұлыстың ұлы күні туралы мағлумат беру;мерекеге байланысты ұлағат сөздерді,салт-дәстүрді әр оқушы-оқырман санасына құю,оқушыларды адамгершілікке,парасаттылыққа баулу,ұлттық салт-дәстүрді дәріптеу,патриоттық рухта тәрбиелеу.

Мерекені кітапханашы ашты:Жер ана жылынып,күн мен түн теңелген күн-ұлағатты ұлтымыздың ғасырлар қойнауынан өз бояуын жоғалтпай келген ұлы құңдылықтарының бірі де бірегейі, бағзы замандардан ұлтымыздың төл мерекесі қала берді күллі түркі жұрты тойлайтын Ұлыстың ұлы күні-Наурыз мерекесі

Ұлыстың Ұлы күнімен,қасиетінен Самарқанның көк тасы жібіген,шығыстың Жаңа жылымен құттықтаймыз!