«Нағыз қазақ - домбыра» атты тәрбие сағаты

Ақадыр кенттік балалар кітапханасында 1 шілде - Ұлттық домбыра күніне орай «Нағыз қазақ - домбыра» атты тәрбие сағаты болып өтті.

Кітапхананың оқу залына «Домбыра-дастан» атты кітап көрмесі ұйымдастырылды. Оқу залының бұрышына домбыра ілініп, қолөнер үйірмесінде жасалған киіз үй қойылып, домбыра тартып жатқан үнтаспа қосылды. Кешке жазғы демалыс лагеріндегі мектеп оқушылары және тәрбиешілері келіп қатысты. Жүргізуші тәрбие сағатының Елбасымыздың «Болашаққа бағдар; рухани жаңғыру» мақаласы аясында өткізілгелі отырғанын атап өтті. Кеш барысында халқымыздың белгілі күйшілері туралы мәліметтер оқылып, үнтаспадан Құрманғазының күйі «Адай» тындатылды. Кеш өте әсерлі өтті.