"Невада-Семей" атты ақпараттық сағаты

Ақадыр балалар кітапханасының ұйымдастыруымен "Невада-Семей" атты ақпараттық сағаты өткізілді. Оған С. Мұхамеджанов атындағы өнер мектебінің оқушылары келіп қатысты. Оқу залында "Ядролық қарудан азат әлем" тақырыбында кітап көрмесі ұйымдастырылып, кітапханашылар мен "Қолөнер үйірмесінің" қатысушылары қағаздардын көмегімен қолдан жасалған ядролық жарылысты көрнекілік ретінде ұсынды. Сондай-ақ балалардың қызығушылығын арттыру мақсатында, жарылыс қандай болатыны жайлы жеткізу үшін сірке су және қопсытқыштың көмегімен вулкан көрсетілді. Сонымен қатар кітапханашы оқырмандарға Семей туралы ақпараттар оқып берді.